Espírito Santo,
es vento:
lévame onde queiras;
es brisa:
déixame respirar o novo;
es forza:
levántame do chan;
es vida:
dáme paixón pola vida;
es alimento:
nútreme do teu zume;
es luz:
ilumíname cos teus raios;
es calor:
quenta a miña existencia;
es liberdade:
faime libre;
es fecundidade:
cúbreme coa túa sombra;
es auga viva:
dáme de beber;
es resposta:
dáme forza para dicir si
ao Pai, ao Fillo
e a ti, Espírito Santo.
Lectura breve (Dt 6, 4-7)
"Escoita, Israel: O Señor, o noso Deus, é soamente un. Amarás o Señor, o teu Deus, con todo o corazón, con toda a alma, con todas as forzas. As palabras que hoxe che digo quedarán na túa memoria, repetirásllelas aos teus fillos e falarás delas estando na casa e indo de camiño, deitados e levantados,".
NOSO PAI
Oración
Señor, Deus da vida, no inicio desta nova andaina
dámosche grazas pola novo día e por todos
los irmáns que temos ó noso lado.
Queremos que o teu Espírito sexa sempre
o noso guieiro na procura dun mundo
que cada día sexa mellor para todos.
Polo noso señor Xesucristo que é Camiño, Verdade e Vida. AMEN.